27 ноября 2009 г.
(«Край родной (Тăван ен)», Кугеси
Ĕнер Шупашкарти МТВ-Центрта «Чувашия-БИО» регионсем хушшинчи пĕрремĕш форум-выставка уçăлчĕ.
Форум ĕçне Швеци, Германи, Украина, Мускав, Санкт-Петербург, Тутар, Пушкăрт, Мари республикисенчен, Киров, Оренбург, Самар, Чулхула, Саратов, Свердловск, Воронеж облаçĕсенчен тата Пермь крайĕнчен килнĕ паллă ученăйсем, политиксем, бизнесменсем хутшăнаççĕ. Форума ЧР Промышленность тата энергетика министерствипе пĕрле Раççейри Ю. А. Овчинников ячĕпе хисепленекен биотехнологсен обществи, Кăткăс технологисен фончĕ, Наукăсен академийĕн Пущино центрĕ тата М. В. Келдыш ячĕпе хисепленекен Прикладная математика институчĕ йĕркеленĕ.
Чăваш Ен Президенчĕ Н. Федоров, форума уçса, çĕршыв та, тĕнче те система кризисне кĕрсе ÿкнине, кризисран тухма пачах та çĕнĕлле программăсем кирлине, çавăн пек программăсем нано- тата биотехнологи çинче никĕсленмеллине палăртнă. Президент Чăваш республики Раççейри пĕрремĕш биорегион пулса тăмалла тесе пĕлтернĕ.